Mikel Arteta, stjóri Arsenal.
Átta liða úrslitum Meistaradeildar Evrópu lýkur í kvöld. Arsenal tekur á móti Sporting á Emirates-leikvanginum en enska liðið er með eins marks forystu eftir sigurmark Kai Havertz í Portúgal.
„Enginn ótti, bara eldmóður. Það vil ég sjá frá leikmönnum, frá stuðningsmönnum og frá mér sjálfum. Það er apríl og það eru ótrúlegir möguleikar fyrir framan okkur. Horfumst í augu við það og leggum allt í sölurnar," sagði Mikel Arteta, stjóri Arsenal, á fréttamannafundi fyrir leikinn.
„Enginn ótti, bara eldmóður. Það vil ég sjá frá leikmönnum, frá stuðningsmönnum og frá mér sjálfum. Það er apríl og það eru ótrúlegir möguleikar fyrir framan okkur. Horfumst í augu við það og leggum allt í sölurnar," sagði Mikel Arteta, stjóri Arsenal, á fréttamannafundi fyrir leikinn.
Arsenal hefur verið að gefa eftir að undanförnu og tapað þremur af síðustu fjórum leikjum. Liðið er þó enn á toppi ensku úrvalsdeildarinnar og getur tryggt sér í undanúrslit Meistaradeildarinnar í kvöld.
„Það sem við erum að reyna að afreka er erfitt, það er áskorun, það geta komið hindranir á tímum. Við erum að reyna að afreka eitthvað í Meistaradeildinni sem félagið hefur aldrei náð í sögunni, á 140 árum," sagði Arteta og vitnaði í að Arsenal gæti komist í undanúrslit annað tímabilið í röð.
Leikur Arsenal og Sporting hefst klukkan 19:00.
