Það komu nokkrir Íslendingar við sögu í leikjum dagsins í Evrópu, þar sem tvö Íslendingalið mættu til leiks í efstu deild í Svíþjóð á meðan Fortuna Düsseldorf spilaði æfingaleik við Galatasaray.
Kolbeinn Þórðarson spilaði allan leikinn í dýrmætum sigri Gautaborgar á útivelli gegn Hammarby. Gautaborg var sterkari aðilinn og vann verðskuldaðan sigur, þó að Hammarby hafi haldið mikið í boltann þá sköpuðu heimamenn sér ekki góð færi.
Göteborg fer upp í 17 stig með þessum sigri, úr 14 umferðum, og er fjórum stigum frá fallbaráttunni sem stendur.
Gísli Eyjólfsson og Birnir Snær Ingason voru þá í byrjunarliði Halmstad sem tapaði heimaleik gegn AIK.
Brynjar spilaði fyrstu 70 mínútur leiksins á meðan Gísli fékk allan leikinn en tókst ekki að gera jöfnunarmark í 0-1 tapi.
Halmstad er með 18 stig eftir 14 umferðir, tveimur stigum á eftir AIK.
Að lokum var Ísak Bergmann Jóhannesson í byrjunarliði Fortuna Düsseldorf í 5-2 sigri gegn Galatasaray.
Kerem Demirbay og Dries Mertens skoruðu mörk Galatasaray en menn á borð við Wilfried Zaha og Michy Batshuayi voru einnig í byrjunarliði tyrkneska stórveldisins ásamt Tetê, en Sergio Oliveira kom inn af bekknum.
Hammarby 0 - 1 Goteborg
Halmstad 1 - 2 AIK
Dusseldorf 5 - 2 Galatasaray
Athugasemdir
