Florian Thauvin fagnar sigurmarki Udinese
Parma 2 - 3 Udinese
1-0 Enrico Del Prato ('2 )
2-0 Ange Bonny ('43 )
2-1 Lorenzo Lucca ('49 )
2-2 Florian Thauvin ('68 )
2-3 Florian Thauvin ('77 )
Rautt spjald: Mandela Keita, Parma ('73)
1-0 Enrico Del Prato ('2 )
2-0 Ange Bonny ('43 )
2-1 Lorenzo Lucca ('49 )
2-2 Florian Thauvin ('68 )
2-3 Florian Thauvin ('77 )
Rautt spjald: Mandela Keita, Parma ('73)
Nýliðar Parma töpuðu fyrir Udinese, 3-2, í 4. umferð Seríu A á Ítalíu í kvöld. Heimamenn í Parma fóru með tveggja marka forystu inn í hálfleikinn.
Parma-menn höfðu litið ágætlega út í byrjun leiktíðar. Liðið hafði náð í fjögur stig úr fyrstu þremur leikjunum og var þá á góðri leið með að ná í annan sigur sinn í dag áður en allt fór til fjandans.
Þegar rúm mínúta var liðin af leiknum kom Enrico Del Prato heimamönnum í forystu. Parma fékk hornspyrnu sem var tekin stutt á Valentin Mihaila sem kom boltanum á Del Prato, sem stóð á nærsvæðinu og setti boltann framhjá Maduka Okoye í markinu.
Á 43. mínútu tvöfaldaði Ange Bonny forystuna með einföldu marki. Dennis Man keyrði með boltann í átt að teignum, sendi hann á Bonny sem náði að pota boltanum fram fyrir sig og síðan spyrna honum í stöng og inn.
Góð forysta sem Parma fór með inn í hálfleikinn en Udinese refsaði í þeim síðari. Lorenzo Lucca minnkaði muninn með skalla eftir fyrirgjöf frá vinstri á 49. mínútu áður en franski sóknarmaðurinn Florian Thauvin tók yfir leikinn.
Thauvin jafnaði metin á 68. mínútu. Keinan Davis átti skalla framhjá markverðinum og var það Thauvin sem stal í raun markinu, því boltinn var á leið inn og enginn varnarmaður í augsýn.
Fimm mínútum síðar var Mandela Keita, leikmaður Parma, rekinn af velli með sitt annað gula spjald og stuttu eftir það kom sigurmark Udinese.
Önnur fyrirgjöf á fjær á Davis sem skallaði boltann fyrir markið. Eftir smá darraðardans datt boltinn fyrir Thauvin sem skoraði með föstu skoti.
Frábær endurkoma Udinese sem kom sér á toppinn með þessum dramatíska sigri. Liðið er með 10 stig á meðan Parma er með aðeins 4 stig í 12. sæti.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 33 | 25 | 3 | 5 | 78 | 29 | +49 | 78 |
| 2 | Milan | 33 | 19 | 9 | 5 | 48 | 27 | +21 | 66 |
| 3 | Napoli | 33 | 20 | 6 | 7 | 48 | 33 | +15 | 66 |
| 4 | Juventus | 33 | 18 | 9 | 6 | 57 | 29 | +28 | 63 |
| 5 | Como | 33 | 16 | 10 | 7 | 57 | 28 | +29 | 58 |
| 6 | Roma | 33 | 18 | 4 | 11 | 46 | 29 | +17 | 58 |
| 7 | Atalanta | 33 | 14 | 12 | 7 | 45 | 29 | +16 | 54 |
| 8 | Bologna | 33 | 14 | 6 | 13 | 42 | 39 | +3 | 48 |
| 9 | Lazio | 33 | 12 | 11 | 10 | 34 | 30 | +4 | 47 |
| 10 | Sassuolo | 33 | 13 | 6 | 14 | 41 | 44 | -3 | 45 |
| 11 | Udinese | 33 | 12 | 7 | 14 | 38 | 43 | -5 | 43 |
| 12 | Torino | 33 | 11 | 7 | 15 | 37 | 54 | -17 | 40 |
| 13 | Genoa | 33 | 10 | 9 | 14 | 40 | 46 | -6 | 39 |
| 14 | Parma | 33 | 9 | 12 | 12 | 24 | 40 | -16 | 39 |
| 15 | Fiorentina | 32 | 8 | 11 | 13 | 37 | 44 | -7 | 35 |
| 16 | Cagliari | 33 | 8 | 9 | 16 | 33 | 47 | -14 | 33 |
| 17 | Cremonese | 33 | 6 | 10 | 17 | 26 | 47 | -21 | 28 |
| 18 | Lecce | 32 | 7 | 6 | 19 | 21 | 45 | -24 | 27 |
| 19 | Verona | 33 | 3 | 9 | 21 | 23 | 56 | -33 | 18 |
| 20 | Pisa | 33 | 2 | 12 | 19 | 24 | 60 | -36 | 18 |
