„Frábær frammistaða í alla staði, fullt af góðum mörkum og náðum að halda hreinu. Við gáfum allt í leikinn, langt síðan við unnum síðast og við vildum koma upp á Skaga og klára okkar plikt við gerum það vel. Ég er virkilega sáttur við frammistöðu liðsins og hvað menn lögðu í þetta", sagði Ágúst Gylfason þjálfari Stjörnumanna eftir sterkan 3-0 sigur í dag gegn ÍA upp á Skaga.
Lestu um leikinn: ÍA 0 - 3 Stjarnan
„Það var mikið hugrekki í liðinu í kvöld við vildum fara fram á við og við vorum óhræddir á boltanum, þorðum að fara bakvið þá og í millisvæðið og út í kanta þetta var frábært Stjörnulið í dag sem að skóp þennan sigur.
Ólafur Karl Finsen skoraði eitt af betri mörkum ef ekki besta mark sumarsins fyrr í kvöld.
„Þetta var náttúrulega bara sturlað. Það er erfitt að lýsa þessu en þvílíka markið. Hjólhestaspyrnan upp í samskeytin þetta var frábært og tímapunturinn líka ekki síðri þar sem markið kom á 45. mínútu leiksins og dómarinn flautaði til hálfleiks eftir þetta. Þetta fer í sögubækurnar''
Viðtalið má sjá í heild sinni hér að ofan.
Athugasemdir
