Gabonski framherjinn Pierre Emerick Aubameyang er genginn í raðir Al Qadsiah í Sádi-Arabíu, eftir að hafa leikið með Marseille í Frakklandi í eitt tímabil.
Þessi 35 ára leikmaður skoraði 30 mörk í 51 leik fyrir Marseille en hann kom til félagsins eftir að hafa floppað hjá Chelsea þar sem hann skoraði einungis þrjú mörk í 21 leik eftir að hafa komið frá Barcelona.
Þessi 35 ára leikmaður skoraði 30 mörk í 51 leik fyrir Marseille en hann kom til félagsins eftir að hafa floppað hjá Chelsea þar sem hann skoraði einungis þrjú mörk í 21 leik eftir að hafa komið frá Barcelona.
Al Qadsiah er stórhuga eftir að hafa unnið Sádi-arabísku B-deildina á síðasta tímabili og komist upp. Áður hafði félagið trryggt sér varnarmanninn Nacho frá Real Madrid.
Aubameyang er fyrrum fyrirliði Arsenal og vann gullskó ensku úrvalsdeildarinnar 2019. Hann skoraði tvö mörk í úrslitaleik FA bikarsins 2020 þar sem Arsenal vann Chelsea.
Sádi-arabíska úrvalsdeildin er stjörnum prýdd en Neymar, Karim Benzema og Cristiano Ronaldo eru meðal þeirra sem þar spila.
Athugasemdir
