Ítalía: Torino skoraði þrjú - Jafnt í Veróna
Radonjic setti tvennu í flottum sigri.
Mynd: EPA
Hien í baráttunni við Joshua Zirkzee í kvöld.
Mynd: EPA
Radonjic setti tvennu í flottum sigri.
Mynd: EPA
Það fóru tveir leikir fram í ítalska boltanum í kvöld þar sem Torino lagði Salernitana að velli á meðan Verona og Bologna skildu jöfn.
Alessandro Buongiorno og Nemanja Radonjic komu Torino í tveggja marka forystu á útivelli gegn Salernitana, áður en Radonjic innsiglaði sigurinn með þriðja marki leiksins í síðari hálfleik.
Heimamenn í Salernitana áttu mikið af marktilraunum en þær voru bitlausar og verðskulduðu gestirnir sigurinn að lokum.
Salernitana er aðeins með tvö stig eftir tapið en Torino er komið með sjö stig eftir fjórar fyrstu umferðirnar.
Verona, sem rétt bjargaði sér frá falli á síðustu leiktíð, er einnig komið með sjö stig eftir jafntefli gegn Bologna í dag.
Nokkuð bragðdaufum leik lauk með markalausu jafntefli en gestirnir frá Bologna voru sterkari aðilinn í síðari hálfleik eftir nokkuð jafnan fyrri hálfleik. Sænski varnarmaðurinn Isak Hien setti boltann í netið fyrir Verona í fyrri hálfleik en ekki dæmt mark vegna rangstöðu, eftir athugun í VAR-herberginu.
Bologna er með fimm stig eftir jafnteflið.
Salernitana 0 - 3 Torino
0-1 Alessandro Buongiorno ('15)
0-2 Nemanja Radonjic ('41)
0-3 Nemanja Radonjic ('50)
Verona 0 - 0 Bologna
Hien í baráttunni við Joshua Zirkzee í kvöld.
Mynd: EPA
