Úlfur Ágúst.
Úlfur Ágúst Björnsson er orðaður við Inter Miami í bandarísku MLS-deildinni. Úlfur er FH-ingur, samningsbundinn félaginu út næsta tímabil, en leikur með Duke í Bandaríkjunum yfir háskólatímabilið í Bandaríkjunum.
Úlfur, sem er 21 árs sóknarmaður, hefur skorað sex mörk og lagt upp eitt í fyrstu sex leikjum tímabilsins í Bandaríkjunum. Á síðasta tímabili skoraði hann tíu mörk og lagði upp fjögur í átján leikjum. Með FH í sumar skoraði Úlfur fimm mörk og lagði upp þrjú í þrettán leikjum.
Úlfur, sem er 21 árs sóknarmaður, hefur skorað sex mörk og lagt upp eitt í fyrstu sex leikjum tímabilsins í Bandaríkjunum. Á síðasta tímabili skoraði hann tíu mörk og lagði upp fjögur í átján leikjum. Með FH í sumar skoraði Úlfur fimm mörk og lagði upp þrjú í þrettán leikjum.
Kristján Óli Sigurðsson sagði í Þungavigtinni að Inter Miami ætlaði sér að skoða Úlf og hann gæti á endanum fengið samning í Miami.
Fótbolti.net bar tíðindin undir Úlf og hafði hann eftirfarandi að segja:
„Ég veit því miður afar lítið um þetta og er ekki á reynslu hjá þeim. Ég er bara rólegur í Duke og að sinna því eins og staðan er," segir Úlfur sem er á sínu öðru ári í Duke.
Hjá Inter Miami vantar ekki stjörnurnar. Þar eru þeir Lionel Messi, Luis Suarez, Sergio Busquets og Jordi Alba. Messi, svona fyrir þá sem ekki vita, hefur átt ágætan feril.
Athugasemdir
