Óskar Örn Hauksson, fyrirliði KR, var svekktur eftir 1-1 jafntefli liðsins gegn Fylki í næstsíðustu umferð Pepsi-deildarinnar í dag.
„Það er svekkjandi að missa sigur niður í jafntefli. Við ætluðum að vinna og okkur leið ágætlega með leikinn. Svo datt þetta í eitthvað bull þar sem að dómarinn missti öll tök á leiknum og þeir skora einmitt þá." sagði Óskar eftir leik.
„Það er svekkjandi að missa sigur niður í jafntefli. Við ætluðum að vinna og okkur leið ágætlega með leikinn. Svo datt þetta í eitthvað bull þar sem að dómarinn missti öll tök á leiknum og þeir skora einmitt þá." sagði Óskar eftir leik.
Lestu um leikinn: KR 1 - 1 Fylkir
Fyrri hálfleikur þessa leiks fer ekki í sögubækurnar fyrir að vera skemmtilegur áhorfs en Fylkismenn spiluðu mjög agaðan og góðan varnarleik sem að KR átti engin svör við.
„Þeir vissu að stigið gæti reddað þeim og voru þéttir fyrir en þetta var samt sem áður allt eftir plani hjá okkur."
Í ljósi úrslita dagsins sitja KR-ingar ennþá í fjórða sæti deildarinnar með jafn mörg stig og FH sem að er sæti neðar og mun Evrópubaráttan halda áfram fram á síðustu sekúndu.
„Það er gaman að hafa spennu í þessu í lokaumferðinni þannig að við séum ekki að æfa til einskis." sagði Óskar að lokum.
Athugasemdir
