Viðar rotaðist við höggið og liggur hann þessa stundina í rúmi á sjúkrahúsi í Osló og bíður eftir aðgerð.

Það eru rúmir tveir mánuðir eftir af tímabilinu í Noregi en það er ólíklegt að Viðar taki frekari þátt í mótinu.

Viðar Ari er þrítugur og hefur verið hjá HamKam í rúmt ár eftir að hafa snúið aftur til Noregs eftir eitt og hálft ár í Ungverjalandi og stutt stopp hjá FH.

Hann hefur byrjað fimmtán leiki á tímabilinu og komið átta sinnum inn á. Oftast hefur hann spilað á hægri kantinum. Alls hefur hann skorað þrjú mörk og lagt upp tvö. Samningur hans við HamKam rennur út í lok árs.

HamKam endaði á því að vinna leikinn 5-0 og skoraði varnarmaðurinn Brynjar Ingi Bjarnason fimmta mark liðsins. HamKam er í 8. sæti deildarinnar.