Aron Einar Gunnarsson er genginn í raðir félags í Katar, hann er kominn með leikheimild þar og mun spila þar í vetur.
Aron staðfesti tíðindin í samtali við Fótbolta.net. Viðtal við hann verður svo birt seinna í dag. Félagið sem Aron semur við er í Meistaradeildinni í Asíu og þar má tefla fram fleiri erlendum leikmönnum en í deildinni í Katar.
Aron staðfesti tíðindin í samtali við Fótbolta.net. Viðtal við hann verður svo birt seinna í dag. Félagið sem Aron semur við er í Meistaradeildinni í Asíu og þar má tefla fram fleiri erlendum leikmönnum en í deildinni í Katar.
Aron rifti samningi sínum við Þór fyrr í þessum mánuði. Á heimasíðu KSÍ sést að samningurinn er úr gildi. Aron staðfestir að það hefði gerst fyrir lokaleikinn í Lengjudeildinni og gat hann því samið í Katar þar sem glugginn þar var ennþá opinn þegar samningnum var rift. Samningur Arons við Þór átti að gilda út næsta tímabil.
Aron, sem samdi við Þór í ágúst, sagði frá því í viðtölum í sumar að hugurinn leitaði aftur út þar sem hann var meðvitaður um að hann kæmist ekki aftur í landsliðið með því að spila í Lengjudeildinni.
Athugasemdir
