Þýskaland: Sjötta tap Stuttgart á heimavelli í röð

Stuttgart hefur verið í miklum vandræðum á heimavelli að undanförnu. Liðið tapaði sjötta heimaleiknum í röð í kvöld þegar fallbaráttulið Heidenheim kom í heimsókn.

Stuttgart var með yfirhöndina en tókst ekki að sigrast á Kevin Muller í marki Heidenheim.

Það var ekki fyrr en á 89. mínútu sem Mathias Honsak skoraði glæsilegt mark og tryggði Heidenheim stigin þrjú. Hann lagði boltann fyrir sig og skoraði með skoti rétt fyrir utan teig í fjærhornið.

Heidenheim er í 16. sæti með 25 stiig eftir 31 umferð. Liðið er fimmstigum frá öruggu sæti þegar liðið á þrjá leiki eftir en Hoffenheim er í sætinu fyrir ofan og á leik til góða. Stuttgart er í 11. sæti með 41 stig.