Gunnar Guðmundsson, þjálfari Selfyssinga, var að vonum ánægður með 6-1 sigurinn á Víkingi R í fyrstu deild karla í kvöld.
,,Fyrst og fremst gríðarlega sáttur. Vel spilaður leikur í alla staði, vörnin spilaði mjög vel og svo glimrandi sóknarleikur," sagði Gunnar.
,,Við erum búnir að vinna í þessu frá því undirbúningstímabilið byrjaði og hægt og bítandi kemur þetta vonandi bara, en við megum ekki missa okkur yfir þessu. Þetta var góður leikur og úrslitin mjög góð fyrir okkur en við þurfum að halda áfram að vinna í okkar málum."
,,Hann er að koma Juan í miðvörðurinn, var feykisterkur í dag. Ég var mjög ánægður með hann, svo eru menn að koma úr meiðslum eins og Einar Ottó. Ég held að í þessari deild þá getur þú ekkert sest niður eftir einn leik og slakað á, það kemur einn leikur þar sem gengur vel og svo næst er maður kominn í bullandi fallbaráttu, það er stutt í báða enda," sagði hann enn fremur.
Hægt er að sjá viðtalið í heild sinni hér að ofan.
