Fótbolti.net

Kristín Dís: Náðum að sigla þessu heim

Einar Guðna: Markmaðurinn minn átti náttúrúlega að vera tilbúinn

Gylfi Tryggva: Skandall, bara algjör skandall að dæma vítaspyrnu

Ian Jeffs: Þess vegna skorum við þrjú mörk í seinni

Guðni: Ef ekki hefði verið fyrir markmann þeirra þá hefði sigurinn orðið stærri

Ída Marín: Þá er þetta stress farið

Voru mjög daprar í fyrri hálfleik - „Ekki eins og við í Þór/KA viljum gera hlutina"

Óskar Smári: Förum að verja eitthvað sem er ekki komið

Systurnar svekktar - „Hann átti að láta okkur heyra það"

Hildur María svekkt: „Þetta var bara stöngin út“

Sigríður Theódóra: „Það var aldrei spurning um annað en að vera þar áfram“

Elmar Atli: Of graðir inn í seinni hálfleik

Heimir: Fórum í gildrurnar sem þeir settu fyrir okkur

Kennie: Pirraði mig mjög mikið

Úlfur Ágúst: Veit ekki hvað gerist í hálfleik

Rúnar Kristins: Ekki fallegur fótbolti en ég er með marga klóka menn

Jói Kalli: Gríðarlega svekktur

Aron þreyttur: Kærkomið að komast inn á völlinn aftur

Halli vildi tvö víti: Þeir fá að hanga alltof mikið í Ljúbba

Sölvi: Reynsluleysi hjá mér að gleyma að ég var búinn að skipta markmanninum inn á

fös 25. september 2020 19:03

Hilmar Jökull Stefánsson

Kristján Guðmunds: Ekkert venjulegt ár

Kristján og aðstoðarþjálfari hans, Óskar Smári.

Mynd: Fótbolti.net - Hafliði Breiðfjörð

Kristján Guðmundsson, þjálfari Stjörnunnar, var heilt yfir sáttur með frammistöðu sinna kvenna í dag í 2-0 sigri Garðbæinga á KR.

„Virkilega góður fyrri hálfleikur og ákveðin værukærð í leikhléinu sem skilaði okkur því að KR fékk mjög gott færi og það setti svolítið tóninn fyrir seinni hálfleikinn. Það tók okkur langan tíma að ná stjórn á seinni hálfleik og það er einhver hlutur sem við þurfum að læra.“

Lestu um leikinn: KR 0 - 2 Stjarnan

Stjarnan var mikið mun betri aðilinn í fyrri hálfleik og átti nokkur dauðafæri eftir flott spil en Kristjáni fannst seinni hálfleikur, sem var eign KR framan af, breytast við skiptingarnar sem hann og hans teymi gerðu.

„Okkur tókst það ágætlega í fyrri hálfleik að tengja spilið og fara inn í miðjusvæðið af því að þær komu framarlega á okkur. Þar með erum við að tengja spilið og skorum tvö mörk og áttum að vera búnar að skora áður, en Ingibjörg var fyrir. Í seinni hálfleik, um leið og við settum boltann upp á miðjuna og reyndum að finna framherjann, þá töpuðum við honum stanslaust þannig að við náðum engri stjórn á seinni hálfleik. Það var ekki fyrr en að skiptingin kom sem að við litum vel út aftur.“

„Þær áttu góðan leik, báðir kantarnir, og ógnuðu mikið. Þær þurftu líka að verjast fínum bakvörðum frá KR. Við ákváðum að skipta ekki meira af því að eftir tvöföldu skiptinguna þá fengum við miklu betri stjórn á leiknum og vildum ekkert vera að færa neitt meira.“

Stjarnan er komið með 17 stig eftir sigurinn í dag en er það nóg til að liðið haldi sér uppi?

„Sagan segir að 17 stig sé nóg og við erum komnar með 17 stig. Þetta er ekkert venjulegt ár og ég held að það verði breyting á núna, þú þarft meira en 17 stig þannig að við þurfum að halda áfram að vinna fótboltaleiki.“

Viðtalið í heild sinni má sjá í spilaranum hér að ofan.