Njarðvíkingar halda toppsætinu á markatölu en þeir gerðu 1-1 jafntefli gegn Keflavík í grannaslag. Axel Ingi Jóhannesson í Keflavík var valinn maður leiksins og Ibra Camara var bestur Njarðvíkinga.

Fjölnir er í öðru sæti eftir 1-0 útisigur gegn Aftureldingu. Miðvarðapar Fjölnis er hrikalega öflugt og þeir Baldvin Þór Berndsen og Júlíus Mar Júlíusson eru báðir í liði umferðarinnar. Fyrir framan þá er Guðmundur Karl Guðmundsson sem er í úrvalsliðinu í fjórða sinn.

ÍR-ingar eru í umspilssæti eftir annan sigurinn í röð en þeir unnu endurkomusigur gegn tíu leikmönnum Gróttu. Óliver Elís Hlynsson átti tvær stoðsendingar og var valinn maður leiksins og auk þess kemst Bergvin Fannar Helgason í liðið þrátt fyrir að hafa bara spilað 30 mínútur. Hann kom inn af bekknum og hóf endurkomuna með því að jafna leikinn.

Sigfús Fannar Gunnarsson skoraði annað mark Þórs sem vann langþráðan sigur í norðurlandsslag gegn Dalvík/Reyni.

Þórsarar komust upp úr fallsæti, líkt og Leiknir gerði með því að vinna Þrótt 3-1. Omar Sowe skilaði marki og stoðsendingu og er í liði umferðarinnar, líkt og Aron Einarsson sem var öflugur á miðsvæðinu. Leiknir hefur unnið báða leiki sína síðan Ólafur Hrannar Kristjánsson tók við liðinu og er hann þjálfari umferðarinnar.

Fyrri úrvalslið:
8. umferð - Oliver Heiðarsson (ÍBV)
7. umferð - Baldvin Þór Berndsen (Fjölnir)
6. umferð - Máni Austmann Hilmarsson (Fjölnir)
5. umferð - Oumar Diouck (Njarðvík)
4. umferð - Arnar Daníel Aðalsteinsson (Grótta)
3. umferð - Sami Kamel (Keflavík)
2. umferð - Oliver Heiðarsson (ÍBV)
1. umferð - Vilhelm Þráinn Sigurjónsson (ÍR)