Lið og leikmaður 2. umferðar - Þrenna og Beckham aukaspyrna

Njarðvíkingar fara af stað af miklum krafti og eru með fullt hús á toppi deildarinnar. Gunnar Heiðar Þorvaldsson á því skilið að vera þjálfari umferðarinnar en Njarðvík vann 3-0 sigur gegn Dalvík/Reyni á fimmtudag. Maður leiksins var Ibra Camara sem var hrikalega öflugur á miðsvæðinu.

Auk Njarðvíkur er Fjölnir með fullt hús eftir fyrstu tvær umferðirnar. Halldór Snær Georgsson hélt hreinu í marki Fjölnis í 1-0 sigri gegn Leikni. Miðvörðurinn Baldvin Þór Berndsen var maður leiksins og Dagur Ingi Axelsson skoraði sigurmarkið.

Þór vann 4-2 sigur gegn Aftureldingu í stórleik umferðarinnar sem fram fór í Boganum. Birkir Heimisson skoraði geggjað aukaspyrnumark að hætti David Beckham og er eini leikmaðurinn sem er í úrvalsliðinu í báðum fyrstu umferðunum. Rafael Victor var meðal markaskorara Þórs.

ÍR náði að jafna úr vítaspyrnu í uppbótartíma gegn Grindavík. 1-1 urðu lokatölur en maður leiksins var valinn Kwame Quee sem skoraði mark Grindavíkur.

Keflvíkingar fara illa af stað og töpuðu gegn Gróttu 1-0. Tareq Shihab var valinn maður leiksins en hann hélt Sami Kamel algjörlega í skefjum. Arnar Daníel Aðalsteinsson varnarmaður Gróttu er einnig í liði umferðarinnar.

Fyrri úrvalslið:
1. umferð - Vilhelm Þráinn Sigurjónsson (ÍR)