„Það er lítið hægt að segja, ég veit ekki hvað við hefðum getað gert mörg mörk í þessum leik. Þetta er mjög sérstakt. Þær skora fyrstu tvö mörk frá endalínunni og eitt af 25 metra færi og á meðan erum við að brenna af færum," sagði Jón Ólafur Daníelsson, þjálfari ÍBV eftir leik Þór/KA og ÍBV í Pepsi Max-deild kvenna.
Lestu um leikinn: Þór/KA 5 - 1 ÍBV.
Lestu um leikinn: Þór/KA 5 - 1 ÍBV.
Lestu um leikinn: Þór/KA 5 - 1 ÍBV
Jón Óli var spurður út í upplegg síns liðs í leiknum í dag. Cloé Lacasse var mjög áberandi í leik ÍBV í dag, eins og oft áður.
„Eðlilega leita leikmenn að sterkasta framherjanum en leikmenn velja svo eftir því hvað er að gerast á vellinum hvaða leið er valin."
„Mér fannst við rosalega góðar í fyrri hálfleik og grátlegt að gera ekki þrjú mörk í fyrri hálfleik og svo önnur þrjú í seinni hálfleik."
„Menn verða að kyngja þessu og svo er það áfram gakk."
Jón Óli var einnig spurður út í það hvort ÍBV ætlaði sér að bæta fleiri leikmönnum við sig en hann sagði svo ekki vera. Viðtalið í heild sinni má sjá í spilaranum hér að ofan.
Athugasemdir
