Bandaríska félagið Orlando City FC hefur mikinn áhuga á að kaupa Antoine Griezmann úr röðum spænska stórveldisins Atlético Madrid.
Griezmann hefur einnig mikinn áhuga á að flytja til Bandaríkjanna og lítur á þetta sem fullkomna tímasetningu, enda verður hann 35 ára gamall í mars.
Griezmann er enn mikilvægur hlekkur í sterku liði Atlético þrátt fyrir hækkandi aldur og er með tæplega eitt og hálft ár eftir af samningi við félagið.
Félagaskiptagluggi MLS deildarinnar er opinn þar til í seinni hluta mars og vill Orlando ganga frá kaupunum núna frekar heldur en í júlí þegar glugginn opnar aftur.
Atlético vill hins vegar ekki missa Griezmann á mikilvægum tímapunkti þar sem liðið er enn með í Meistaradeild Evrópu og að berjast um meistaradeildarsæti í spænsku deildinni.
Griezmann er búinn að skora 12 mörk og gefa 2 stoðsendingar í 36 leikjum það sem af er tímabils. Hann kom að 82 mörkum í 137 landsleikjum og vann til verðlauna á einum áratugi með ógnarsterku landsliði Frakklands.
24.02.2026 07:00
Bandarískt félag reynir að kaupa Griezmann
Athugasemdir
