Alvaro Montejo (Þór)
Montejo fagnar gegn Fjölni.
Alvaro Montejo.
Spænski sóknarmaðurinn Alvaro Montejo hefur líklega spilað sinn síðasta leik í íslenska boltanum en kveðjuleikurinn var 3-0 útisigur gegn Fjölni þar sem hann skoraði öll mörkin.
Sjá einnig:
Úrvalslið 8. umferðar í lengjudeildinni
Sjá einnig:
Úrvalslið 8. umferðar í lengjudeildinni
„Ekki hægt að enda þetta betur en með þrennu. Klikkaði á víti í fyrri hálfleik en var klár í uppbótartíma til að fullkomna þrennuna. Spænska markavélin kveður en útilokar ekki að mæta á Pollamót í framtíðinni," skrifaði Sæbjörn Steinke í umfjöllun sinni um leikinn.
Montejo er þrítugur en hann spilaði fyrst hér á landi 2014 þegar hann var hjá Hugin á Seyðisfirði. Hann hefur verið hjá Þór síðan 2018 en heldur nú heim til Spánar.
Alvaro Montejo á Íslandi:
2014 - Huginn: 13 mörk í 19 leikjum í 2. deild
2015 - Huginn: 4 mörk í 3 leikjum í 2. deild
2016 - Fylkir: 1 mark í 7 leikjum í efstu deild
2017 - ÍBV: 2 mörk í 15 leikjum í efstu deild
2018 - Þór: 16 mörk í 21 leik í 1. deild
2019 - Þór: 10 mörk í 18 leikjum í 1. deild
2020 - Þór: 14 mörk í 18 leikjum í 1. deild
2021 - Þór: 4 mörk í 7 leikjum í 1. deild
„Það er ekkert svakalega skemmtilegt að eiga við hann á hlaupunum. Þegar lið fara með hafsentana sína framarlega þá er voðinn vís. Því miður er þetta síðasti leikurinn hans. Það kemur maður í manns stað og þegar stemningin í liðinu er góð þá stíga aðrir upp og taka við keflinu. Ég hef ekki svakalega miklar áhyggjur af því," segir Orri.
Montejo mætti í viðtal við Fótbolta.net eftir leikinn gegn Fjölni.
„Þetta var tilfinningaþrungið fyrir mig, þegar leikurinn var búinn grét ég næstum því. Eftir allan tímann hér að enda þetta á þennan hátt er mér mjög mikilvægt," sagði Montejo.
„Þetta var minn síðasti leikur fyrir Þór og líklega síðasti leikurinn minn á Íslandi. Ég hef notið mín hér en mér finnst vera kominn tími á að fara heim til Spánar og spila þar."
Leikmenn umferðarinnar í Lengjudeildinni:
7. umferð: Sigurður Bjartur Hallsson (Grindavík)
6. umferð: Davíð Þór Ásbjörnsson (Kórdrengir)
5. umferð: Kyle McLagan (Fram)
4. umferð: Albert Hafsteinsson (Fram)
3. umferð: Gonzalo Zamorano (ÍBV)
2. umferð: Kristófer Óskar Óskarsson (Afturelding)
1. umferð: Pétur Theodór Árnason (Grótta)
Thank you for your service @alvaro8montejo minn! pic.twitter.com/w0XMrSU4CX
— Óðinn Svan Óðinsson (@OdinnSvan) June 26, 2021
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
