Palli var svekktur að leikslokum
"Ég var hundfúll að fá ekki 3 stig síðast og við getum tífaldað það eftir þennan leik," sagði svekktur Páll Viðar Gíslason þjálfari Magna eftir 1-1 jafntefli við Hauka í Inkasso deildinni í dag.
Lestu um leikinn: Magni 1 - 1 Haukar
Bjarni Aðalsteinsson fékk að líta rauða spjaldið nokkrum sekúndum áður en Haukar jöfnuðu leikinn í restina.
"Fótboltinn er svona, stundum hrekkur þetta og í þetta skiptið fengum við þetta mark á okkur. Kannski vorum við klaufar að vera ekki búnir að loka þessum leik fyrr, en margt jákvætt. Eitt stig er rýr uppskera eftir þennan leik."
"Við erum bara ekki að uppskera stigalega eins og við teljum okkur hafa burði til. En ég tek ekkert af því að menn séu ekki að leggja sig fram, annað væri reyndar mjög skrýtið."
"Við verðum bara að sleikja sárin í kvöld og halda áfram. Það er búið að vera stígandi í þessu hjá okkur en það sést nú ekki mikið á töflunni. Þetta er erfitt prógram sem við eigum í hverjum einasta leik og það eru allir búnir að átta sig á því held ég. Þetta verður slagur áfram og það verður það líka í Mosfellsbænum á föstudaginn."
Viðtalið við Palla má sjá í heild sinni hér að ofan.
Athugasemdir
