Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 30. ágúst 2017 21:14
Guðmundur Aðalsteinn Ásgeirsson
Pepsi kvenna: Haukar fallnir - Fylkir á lífi í deildinni
Haukar áttu ekki mikið erindi í efstu deild.
Haukar áttu ekki mikið erindi í efstu deild.
Mynd: Fótbolti.net - Bára Dröfn Kristinsdóttir
Haukar 1 - 2 Fylkir
1-0 Marjani Hing-Glover ('59 )
1-1 Kaitlyn Johnson ('62 )
1-2 Maruschka Waldus ('88 )
Lestu nánar um leikinn

Haukar þurftu að vinna Fylki í Pepsi-deild kvenna í kvöld til þess að eiga einhvern möguleika á að halda sæti sínu í deildinni.

Liðin áttust við á Gaman Ferða vellinum í Hafnarfirði.

Haukarnir voru hættulegri framan af og þær komust yfir þegar tæpur stundarfjórðungur var búinn af seinni hálfleiknum. Marjani Hing-Glover skoraði markið, en forysta Haukastúlkna entist ekki lengi.

Kaitlyn Johnson jafnaði stuttu síðar og þegar lítið var eftir tryggði Maruschka Waldus sigurinn. Þessir leikmenn komu til Fylkis í júlí-glugganum og hafa reynst Árbæjarliðinu mjög vel.

Haukarnir hafa aðeins kroppað í eitt stig í Pepsi-deildinni í sumar, en þær munu leika í 1. deild kvenna að ári. Fylkir á enn von, þær eru aðeins fjórum stigum á eftir KR þegar níu stig eru eftir í pottinum.
Athugasemdir
banner