Mjög spennt að fá Hafrúnu til Bröndby - „Hann gat ekki hætt"
Hafrún Rakel Halldórsdóttir
Mynd: Fótbolti.net - Haukur Gunnarsson
Hafrún Rakel Halldórsdóttir
Mynd: Fótbolti.net - Haukur Gunnarsson
Það var staðfest fyrr í þessum mánuði að bakvörðurinn Hafrún Rakel Halldórsdóttir væri gengin til liðs við danska liðið Bröndby frá Breiðabliki.
Himinlifandi á toppnum eftir 14 mánaða fjarveru - „Stefnum á tvennuna"
Bröndby er á toppi deildarinnar eftir 14 umferðir en Kristín Dís Árnadóttir er leikmaður liðsins. Kristín var til viðtals hjá Fótbolta.net á dögunum, hún er spennt að fá Hafrúnu til liðsins.
„Ég er spennt að fá Íslending, ég þekki Hafrúnu vel, við vorum saman í Breiðablik og höfum verið saman í landsliðinu. Hún mun hjálpa okkur mjög mikið, okkur vantar hraða fram á við, hún getur nátturulega leyst allskonar stöður þannig það er 100% styrkur að fá hana," sagði Kristín.
Þjálfari liðsins spurði Kristínu mikið út í Hafrúnu.
„Hann gat ekki hætt. Hann var með það markmið að ná í hana enda er hún búin að vera öflug hérna heima og líka með landsliðinu. Ég sagði góða hluti um hana. Hann talaði mikið við mig og ég var í sambandi við Hafrúnu og þetta gekk svona vel," sagði Kristín.
