Man City gerði markalaust jafntefli við Arsenal á Etihad í dag en þetta voru verstu mögulegu úrslitin fyrir heimamenn.

Liverpool er nú á toppnum með 67 stig, Arsenal í öðru með 65 stig og Man City í þriðja með 64 stig.

Bernardo hrósaði Arsenal fyrir þroskaða frammistöðu í leiknum í dag.

„Í apríl á síðasta ári fóru þeir maður í mann allan leikinn og þegar þú gerir það þá verður þetta 50-50. Í dag sáum við allt annað Arsenal-lið, með meiri reynslu. Þeir eru með unga leikmenn sem eru nú komnir með aukaár í reynslubankann. Þeir fundu hvernig það var að spila hér á síðustu leiktíð og voru því mun betri í dag.“

„Það getur margt gerst. Núna getum við ekki bara treyst á okkur, við þurfum að treysta á Liverpool og Arsenal núna því við spilum ekki aftur við þessi lið. Þau þurfa að tapa stigum alveg eins og við þurfum að vinna okkar leiki,“ sagði Bernardo Silva.