„Lífið er mjög gott. Það munar öllu að hafa Íslendingana, við höngum mikið saman utan vallar og svona. Svo gengur líka vel núna eftir brösulega byrjun. Við settum okkur skýr markmið fyrir mót að vera í toppbaráttu og ná gullinu," sagði Katla við Fótbolta.net í Serbíu á dögunum.

Hún spilar þar með Alexöndru Jóhannsdóttur og Guðnýju Árnadóttur, sem eru einnig í landsliðinu. Hlín Eiríksdóttir lék með liðinu í fyrra en er núna farin til Leicester sem er í ensku úrvalsdeildinni. Katla segist sakna Hlínar mikið en hún er jafnframt ótrúlega stolt af henni að spila í ensku úrvalsdeildinni.

„Er það eitthvað sem þú vilt upplifa í framtíðinni, að spila í ensku úrvalsdeildinni?

„Já," sagði Katla einfaldlega en er hún með eitthvað félag í huga? „Nei, ekkert þannig. Ég er mikill Púlari þannig að það væri gaman að spila á Anfield."

Voru skammaðar um daginn
Katla segist eiginlega tala of mikla íslensku í Svíþjóð þar sem Íslandstengingin er gríðarlega sterk hjá félaginu.

„Við reynum að passa upp á þetta, vorum skammaðar um daginn fyrir að tala of mikla íslensku," sagði Katla. Hún segir að það hafi verið ómetanlegt skref fyrir sig að fara til Kristianstad og um fyrirliðahlutverkið sagði hún:

„Mér finnst það bara gaman. Ég held að þetta sé bara hluti af mínum karakter. Ég er ekkert að haga mér öðruvísi þó ég sé með bandið. Það er samt ótrúlega mikill heiður. Mér þykir mjög vænt um þetta félag."

„Þau sáu eitthvað mér þjálfararnir."

Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur