Fótbolti.net

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

Matti Guðmunds svekktur: Lögðum líf og sál í þetta en fótboltinn er brútal

Margrét Brynja orðlaus: Gáfum allt í þetta og getum gengið stoltar af velli

Hrafnhildur Ása: Búin að bíða eftir stærra hlutverki og mitt að grípa það

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

fim 26. júní 2025 10:30

Guðmundur Aðalsteinn Ásgeirsson
Stara Pazova

Sá á Instagram að hún væri í hópnum - Með mynd upp á vegg heillengi

Katla Tryggvadóttir.

Mynd: KSÍ

Katla hefur verið fastakona í íslenska landsliðshópnum að undanförnu.

Mynd: Fótbolti.net - Hafliði Breiðfjörð

Katla Tryggvadóttir er tiltölulega nýorðin tvítug og er á leiðinni á sitt fyrsta stórmót með íslenska landsliðinu. Hún er í lokahópnum sem fer á Evrópumótið í Sviss en þetta hefur lengi verið markmið hjá henni.

„Það er rosalega heitt úti en mjög mikil stemning," sagði Katla Tryggvadóttir þegar hún ræddi við Fótbolta.net við hótel landsliðsins í Serbíu í gær. Liðið er þar í æfingabúðum fyrir EM.

Hvernig hefur gengið að æfa í þessum hita?

„Það hefur eiginlega gengið furðuvel," sagði Katla. „En það er vatnspása reglulega. Ég er allavega ekki vön þessu. Við erum líka með klaka og eitthvað sem við setjum á bakið."

„Þetta er mjög þægilegt allt saman hérna. Það er ekkert áreiti utan frá. Þetta eru bara við stelpurnar að hanga saman allan daginn sem styrkir bara liðsheildina. Við erum ákveðnar að standa okkur vel og við erum með sterkt lið. Það er einhver veisla framundan."

Verið markmiðið í langan tíma
Katla hefur verið í flestum hópum undanfarið. Hún hefur leikið vel með Kristianstad í Svíþjóð og vann sér þannig sæti í landsliðinu. Hvernig var að fá að vita að þú værir á leiðinni á EM?

„Það var ótrúlega skemmtilegt. Mjög mikill heiður og ég er stolt af því. Ég er ótrúlega spennt fyrir þessu verkefni," segir Katla sem frétti af því að hún væri í hópnum er hún horfði á myndband á Instagram.

„Ég sá í raun bara vídjó á Instagram og þannig fékk ég að vita það. Maður er alltaf smá stressaður fyrir einhverju svona en það var mjög gott að fá kallið."

„Það hefur verið mynd af EM 2025 upp á vegg hjá mér heillengi. Það var þannig heima hjá mér," segir Katla en þegar hún er spurð út í fyrstu minningarnar af EM þá rifjar hún upp mótið 2017 í Hollandi.

„Ég fór til Hollands 2017 og það var geggjað. Ég var staðráðin í því þá að ég ætlaði einn daginn að komast á stórmót. Ég var þarna með allri fjölskyldunni minni og það var mjög skemmtilegt."

Katla segist spennt fyrir því að fara til Sviss og sjá allt þar, en markmiðið á mótinu er að fara upp úr riðlinum. Í spilaranum hér að ofan er hægt að sjá allt viðtalið við þennan efnilega leikmann.

Leikir Íslands á EM:
2. júlí, Ísland - Finnland
6. júlí, Ísland - Sviss
10. júlí, Ísland - Noregur