Þeir eru sagðir ósáttir við erfiða fjárhagsstöðu félagsins. Leikmenn og starfsólk hafa oft fengið laun sín seint á síðustu mánuðum.

Sex stig voru tekin af Macclesfield í síðasta mánuði. Félagið var talið sekt um að brjóta margar reglur.

Macclesfield játaði sök í mörgum ákæruliðum, þar á meðal að hafa ekki borgað laun, sem síðan þá hafa verið borguð. Það þurfti að fresta leik hjá Macclesfield gegn Crewe, sem átti að fara fram 7. desember, eftir að leikmenn neituðu að spila vegna ógreiddra launa.

McMahon hefur þjálfað Macclesfield frá því að Sol Campbell og Hermann Hreiðarsson sögðu upp í byrjun tímabils. Þeir hættu vegna fjárhagsvandræða og svikinna loforða og stýra nú Southend í ensku C-deildinni.

Talið er að félagið skuldi Campbell meira en 180 þúsund pund.

Macclesfield er í 22. sæti D-deildarinnar, þremur stigum frá fallsæti.