Amorim býst ekki við neinum félagaskiptum

Þá eru ýmsir leikmenn félagsins orðaðir við brottfarir á lánssamningum.

Man Utd er í miklum vandræðum vegna meiðsla og Afríkukeppninnar og verður án átta öflugra leikmanna á útivelli gegn Leeds United um helgina. Mason Mount, Bruno Fernandes, Bryan Mbeumo og Amad Diallo eru meðal leikmanna sem geta ekki tekið þátt.

„Við erum ekki að skoða að breyta hópnum neitt í janúar. Við erum með skýra framtíðarsýn og ég býst ekki við neinum breytingum á næstunni. Ég er bara einbeittur að næsta leik, við erum í harðri baráttu í deildinni. Við erum ekki langt frá meistaradeildarsæti," sagði Amorim þegar hann var spurður út í janúargluggann.

Hann var einnig spurður sérstaklega út í framtíð leikmanna á borð við Kobbie Mainoo, Manuel Ugarte og Joshua Zirkzee sem hafa verið orðaðir við brottför.

„Ég býst ekki við að neinn þeirra fari. Enginn þeirra hefur beðið um að yfirgefa félagið og ég býst ekki við að þeir muni biðja um það."