Titlar Nóel Atla sem vonarstjörnu Álaborgar

Danski fréttaritarinn, Mads Bye Marboe, hjá Tipsbladet fór yfir leiki gærdagsins í deildinni og hrósaði Nóel í hástert fyrir frammistöðu sína í 2-0 tapi gegn Midtjylland.

„Leikmaður sem verður að ræða, vinstri bakvörðurinn Nóel Atli Arnórsson. Hann er vonarstjarna hjá Álaborg. Íslendingurinn er aðeins 17 ára gamall en hélt Dario Osorio í skefjum og var flottur sóknarlega. Hann er spennandi," skrifaði Marboe.

Nóel Atli hefur verið í byrjunarliði Álaborgar í öllum þremur leikjum liðsins í deildinni á þessari leiktíð. Liðið er með þrjú stig í 8. sæti. Hann á að baki 14 landsleiki fyrir yngri landslið Íslands.