sun 05. janúar 2020 21:30
Ívan Guðjón Baldursson
Balotelli segir stuðningsmönnum Lazio að skammast sín
Mynd: Getty Images
Mario Balotelli komst í sögubækurnar þegar hann skoraði fyrsta mark leiksins í 1-2 tapi Brescia gegn Lazio fyrr í dag. Hann skoraði þannig fyrsta mark Serie A á nýjum áratugi, sem hann gerði einnig á upphafi síðasta áratugar í 1-0 sigri Inter gegn Chievo.

Balotelli var ekki sáttur með hegðun stuðningsmanna Lazio á meðan á leiknum stóð. Balotelli hefur orðið fyrir kynþáttafordómum á tímabilinu og eru ultras stuðningsmenn Lazio þekktir fyrir að sýna rasisma enda með sterk tengsl við fasismahreyfinguna á Ítalíu.

„Þetta var sárt tap en við munum bæta upp fyrir það. Við erum á réttri leið," skrifaði Balotelli á Instagram.

„Stuðningsmenn Lazio sem voruð á leikvanginum: SKAMMIST YKKAR! #saynotoracism."


Athugasemdir
banner
banner
banner
banner