Róbert Frosti Þorkelsson spiilaði seinni hálfleikinn þegar GAIS féll úr leik í undanúrslitum sænska bikarsins eftir 3-0 tap gegn Mjallby.

Brann er án stiga eftir tvær umferðir í norsku deildinni eftiir 2-1 tap gegn Tromsö. Freyr Alexandersson var með Jón Dag Þorsteinsson íi byrjunarliðinu og Kristall Máni Ingason kom inn á sem varamaður. Eggert Aron Guðmundsson og Sævar Atli Magnússon eru á meiðslalistanum.

Sverrir Ingi Ingason varð fyrir því óláni að skora sjálfsmark þegar Panathinaikos vann Asteras Tripolis 2-1 í grísku deildinni. Hörður Björgvin Magnússon var í byrjunarliði Levadiakos þegar liðið vann Atromitos 1-0. Hjörtur Hermannsson var í byrjunarliði Volos þegar liðið vann dramatískan 2-1 sigur á PAOK en sigurmarkið kom á fimmtu mínútu í uppbótatíma.

Þá tók Davíð Kristján Ólafsson út leikbann þegar Larissa gerði markalaust jafntefli gegn Olympiakos. Panathinaikos er í 4. sæti með 49 stig, Levadiakos er í 5. sæti með 42 stig, Volos er í 7. sæti með 31 stig. Larissa er í 12. sæti með 23 stig.

Brynjólfur Willumsson kom inn á eftir tæplega klukkutíma leik þegar Groningen vann AZ Alkmaar 3-0 í hollensku deildinni. Groningen er í 10. sæti með 38 stig. Nökkvi Þeyr Þórisson var ekki með Telstar vegna meiðsla þegar liðið vann frábæran 3-1 sigur á toppliði PSV. Telstar er í 14. sæti með 27 stig.

Dagur Dan Þórhallsson kom inn á eftir tæplega klukkutíma leik þegar CF Montreal tapaði 4-3 gegn FC Cincinnati í MLS deildinni í Bandaríkjunum. Montreal er í 12. sæti Austurdeildarinnar með þrjú stig eftir fimm umferðir.