Í leik gegn Íslandi á EM 2016.
Franski miðjumaðurinn Dimitri Payet hefur lagt skóna á hilluna, 38 ára að aldri. Hann var síðast á mála hjá brasilíska félaginu Vasco da Gama en hann yfirgaf félagið síðasta sumar.
Payet greindi frá ákvörðun sinni í hálfleiksviðtali í leik Marseille og Lille í frönsku úrvalsdeildinni í gær.
Payet greindi frá ákvörðun sinni í hálfleiksviðtali í leik Marseille og Lille í frönsku úrvalsdeildinni í gær.
Hann er eflaust þekktastur fyrir tíma sinn hjá West Ham þar sem hann heillaði stuðningsmenn upp úr skónum tímabilið 2015/16 og skoraði nokkur af eftirminnilegustu mörkum í sögu ensku úrvalsdeildarinnar.
Hann lék alls 60 leiki fyrir félagið og skoraði 15 mörk áður en hann sneri aftur til Marseille árið 2017.
Á ferlinum lék Payet einnig fyrir Nantes, Saint Etienne og Lille. Þá spilaði hann 38 landsleiki fyrir Frakkland og var í lykilhlutverki þegar liðið fór alla leið í úrslitaleik EM árið 2016.
Athugasemdir
