Ásgeir Börkur Ásgeirsson hefur formlega gengið til liðs við Sarpsborg á láni frá Fylki en samningurinn gildir til 15. júlí.
,,Þetta er leikmaður sem okkur vantar í hópinn í dag. Ásgeirsson er öðruvísi leikmaður en þeir sem við höfum fyrir," sagði Bjørge Øiestad yfirmaður íþróttamála hjá Sarpsborg.
Ásgeir Börkur er fjórði Íslendingurinn í röðum Sarpsbog en fyrir hjá félaginu eru Guðmundur Þórarinsson, Haraldur Björnsson, Þórarinn Ingi Valdimarsson.
,,Þórarinn Valdimarsson segir að Ásgeirsson sé versti mótherji sinn á Íslandi. Hann er elskaður af samherjunum en hataður af mótherjunum," sagði Øiestad.
Athugasemdir
