Óskar ætlar að gera Ísak að hermanni
Ísak Snær Þorvaldsson ræddi við Fótbolta.net í kjölfarið á því að hann samdi við Breiðablik á dögunum. Hann var spurður út í síðasta tímabil og kom inn á sitt líkamlega atgervi.
Hann léttist um nokkur kíló síðasta sumar og var hann mjög öflugur seinni hluta síðasta tímabils með ÍA.
Hann léttist um nokkur kíló síðasta sumar og var hann mjög öflugur seinni hluta síðasta tímabils með ÍA.
„Jú, að sjálfsögðu [get ég tekið undir að ég var vaxandi]. Ef ég á að segja eins og er var ég spikfeitur í byrjun tímabilsins. Síðan þegar fólk var farið að segja að ég væri of feitur þá tók ég mig í gegn og missti fjögur kíló á tveimur veikum. Það var reyndar aðeins of hratt, ég fékk bakflæði og svona en að léttast hjálpaði mér mjög mikið," sagði Ísak Snær.
„Ég tek ekki eftir þessu sjálfur [að ég sé of þungur] en þegar fólk var farið að benda mér á það, það voru lið að koma horfa á mig að spila og það fyrsta sem sagt var að ég væri of þungur á mér. Ég hugsaði að ef ég ætlaði að fara út þá yrði ég að létta mig. Ég varð strax léttari á mér, hraðari og leið miklu betur ef ég á að segja eins og er."
Fjögur kíló á tveimur vikum, gerðiru eitthvað sérstakt til að losa þig við þau? „Það var bara mataræði í rauninni, kötta brauðið út - kolvetnin og svona."
Varstu ánægður með tímabilið í fyrra með ÍA?
„Já, ég var ánægður með það hvernig það endaði. Mér leið ekki vel sjálfum og hafði ekki mikla trú á okkur um mitt tímabil. En hvernig þetta endaði... mér hefur aldrei liðið jafnvel. Við tókum þessa þrjá síðustu deildarleiki og komum okkur í bikarinn. Það var svekkjandi að taka ekki bikarinn í endann."
Ísak var bæði í hópnum sem og utan hópsins í U21 árs landsliðinu á síðasta ári. Væntanlega skemmtilegra að vera í liðinu heldur en ekki?
„Já, að sjálfsögðu. Ég tek þetta á mig, var of þungur og Davíð [Snorri Jónasson] vill að menn hlaupi. Ég er kannski ekki akkúrat hlaupatýpan í þetta lið ennþá en ég tresyti Óskari [Hrafni Þorvaldssyni] og miðað við hvernig hann talaði við mig eftir síðasta tímabil ætlar hann að gera mig að einhverjum hermanni. Vonandi kemst ég fljótt inn í liðið aftur."
Þarftu að létta þig meira til að verða að þessum hermanni?
„Ég er enn að vinna í því að létta mig um nokkur kíló, fara aðeins niður í fituprósentu. Ég vil sjálfur ekki missa of mikla vöðvaprósentu, vil halda þessum styrk sem mér finnst ég nota best í fótbolta - að halda mönnum frá mér og svona," sagði Ísak.
Viðtalið í heild má sjá í spilaranum að niðan.
Athugasemdir