Einum leik frá því að bæta met með sigurgöngu sinni
Eftir nokkuð erfiða byrjun á tímabilinu hefur Manchester City farið á kostum undanfarnar vikur.
Pep Guardiola er búinn að finna réttu blönduna og er grunnurinn lagður með þá John Stones og Ruben Dias í hjarta varnarinnar.
City hafði betur gegn ríkjandi Englandsmeisturum Liverpool í dag, 1-4 á Anfield.
Núna er City búið að vinna 14 leiki í röð í öllum keppnum og er það jöfnun á meti hjá ensku félagsliði í efstu deild. Þetta er jöfnun á sigurgöngum Preston (sem endaði 1892) og Arsenal (sem endaði 1987).
City, sem er núna í þægilegum málum á toppi ensku úrvalseildarinnar, getur bætt metið á útivelli gegn Swansea í FA-bikarnum í vikunni. Fyrir nokkrum vikum var deildin ótrúlega spennandi en þetta er fljótt að breytast.
14 - @ManCity have now equalled the all-time winning run by an English top-flight side across all competitions, winning each of their last 14 matches – the same number as Preston (ending in 1892) and Arsenal (ending in 1987). Stupendous. #LIVMCI pic.twitter.com/AjRx833bsO
— OptaJoe (@OptaJoe) February 7, 2021
Athugasemdir
