„Þetta var mjög gott, þetta var svona karakter sigur og svona comeback eftir síðasta leik, síðasti leikur var hræðilegur og að skora níu mörk er bara geðveikt. Það voru allir góðir í liðinu í dag." sagði Logi Tómasson eftir 9-0 sigurinn á Leikni Reykjavík í kvöld en Logi skoraði og lagði upp í kvöld.
Lestu um leikinn: Víkingur R. 9 - 0 Leiknir R.
Leiknir byrjaði leikinn af meiri krafti en Víkinga settu í fluggírinn eftir fyrsta markið sem Ari Sigurpálsson skoraði á 15.mínútu leiksins.
„Ég veit það ekki. Við byrjuðum bara að setja í fluggírinn eins og við gerum stundum. Við þurfum að vera meira stabílir að gera það og við gerðum það og um leið og fyrsta markið þá byrjuðum við bara að flowa þetta betur og svo komu níu mörk í röð."
Víkingur Reykjavík er núna níu stigum á eftir toppliði Breiðabliks og var Logi spurður hvort það væri enþá trú í Víkinni.
„Já auðvitað. Þetta verður erfitt en ég meina við erum allaveganna að reyna vinna alla leiki og sjá hvað Blikar gera en þeir eru með gott leið og þetta verður erfitt. Við erum líka bara að reyna tryggja okkur annað sætið sem gefur Evrópu þannig við sjáum hvað gerist."
Logi Tómasson fékk heilahristing í síðasta leik á móti ÍBV og segist Logi alltaf hafa ætlað að spila þennan leik.
„Já ég fékk hann sem betur fer ekki í hausinn, ég fékk hann bara í bringuna og var hræddur um að ég hafi brotnað en þetta voru semsagt bara bólgur þannig já þetta voru bara verkjalyf og halda áfram því ég ætlaði alltaf að spila þennan leik."