Luka ásamt Þórhalli sigurvegara í gær.
Þórhallur Guðjónsson hrósaði sigri í Fantasy deild Fótbolta.net í Pepsi-deildinni í sumar. Þórhallur tók í gær á móti verðlaunum sínum sem er ferð fyrir tvo á leik í enska boltanum með Úrval Útsýn.
Gamla kempan Luka Kostic starfar á íþróttadeild Úrval Útsýn og hann afhenti Þórhalli gjafabréf fyrir ferðina í gær.
Gamla kempan Luka Kostic starfar á íþróttadeild Úrval Útsýn og hann afhenti Þórhalli gjafabréf fyrir ferðina í gær.
,,Ég held að það eigi eftir að gleðja hann mikið að fara þangað en það verður spurning hvort hann verður glaður þegar hann kemur heim. Hann heldur með Liverpool eins og ég og maður er ekki oft glaður eftir Liverpool leiki," sagði Luka við Fótbolta.net í dag.
,,Hann ætlar að fara á leik gegn Norwich eftir áramót og þá gæti Liverpool verið búið að versla leikmenn. Maður vonar það."
Luka og félagar hjá Úrval Útsýn standa í ströngu í vetur en þeir bjóða upp á margar ferðir á leiki í enska boltanum.
,,Við útvegum miða á alla leiki í úrvalsdeildinni og í ár eru Íslendingar búnir að fara á leiki með fimmtán liðum. Fulham, Everton, Southampton og svo framvegis."
Hér að ofan má sjá viðtalið við Luka í heild sinni.
