Eiður Smári Guðjohnsen vonast að sjálfsögðu eftir því að vera í byrjunarliðinu á þriðjudag þegar Ísland mætir Albaníu. Íslenska liðið æfði á Laugardalsvelli í dag en menn eru að ná sér niður á jörðina eftir jafnteflið magnaða í Sviss.
„Það gefur kannski augalíð að menn svífa svolítið eftir svona leik. Bæði tilfinningalega séð og svo er maður bara spurningamerki yfir því hvað hafi eiginlega verið í gangi þarna. Þetta voru bara frábær úrslit og við þurfum að einbeita okkur að þriðjudeginum," segir Eiður.
„Þetta stig í Sviss var gríðarlega mikilvægt og við ættum að vera stoltir af því hvernig við náðum því. Við getum byggt á því, þetta var ágætis fótbolti og karakter. Það er ekki hvaða lið sem kemur til baka eftir að hafa lent 4-1 undir á útivelli gegn liði eins og Sviss."
„Albanía er sterkt lið og hefur sýnt það í riðlinum þar sem það hefur náð stigum af öllum. Við verðum væntanlega að sýna okkar besta leik, vera jafn baráttuglaðir og með jafn góðan karakter. Það þarf allt að ganga upp."
Viðtalið má sjá í sjónvarpinu hér að ofan.
