Salah: Liverpool gaf mér mörg loforð síðasta sumar

Salah var ónotaður varamaður og tók ekki vel í það. Hann lét allt flakka að leikslokum þar sem hann talaði bæði um Arne Slot þjálfara og Liverpool sem fótboltafélag.

TENGT EFNI06.12.25 - 21:28

Salah hraunar yfir Liverpool og Slot - „Hent undir rútuna"

Hann nefndi einnig brostin loforð í viðtalinu í Leeds en það var mikil umræða um að Salah hefði getað yfirgefið Liverpool á frjálsri sölu síðasta sumar. Egyptinn samþykkti að lokum samningstilboð frá Englandsmeisturunum og er núna skuldbundinn félaginu til sumarsins 2027.

„Það er mjög augljóst að einhver vill gera mig að blóraböggli. Félagið gaf mér mörg loforð síðasta sumar en núna hef ég byrjað á bekknum síðustu þrjá leiki í röð. Eina sem ég get sagt um þetta er að ég stend við mín loforð," sagði Salah meðal annars í beinni útsendingu.

Liverpool er með 23 stig eftir 15 umferðir í ensku úrvalsdeildinni, tíu stigum á eftir toppliði Arsenal.

TENGT EFNI07.12.25 - 07:30

Salah um Slot: Einhver sem vill ekki hafa mig hérna