Nicolas Jackson.
Svo virðist sem ferill Nicolas Jackson hjá Chelsea sé mögulega að taka enda. Jackson hefur átt erfiða mánuði og Enzo Maresca, stjóri liðsins, missti mögulega alveg þolinmæðina gagnvart honum á HM félagsliða í sumar.
Chelsea fór alla leið á HM félagsliða og bar sigur úr býtum á mótinu en Jackson gerði ekki mikið gott á mótinu.
Chelsea fór alla leið á HM félagsliða og bar sigur úr býtum á mótinu en Jackson gerði ekki mikið gott á mótinu.
Jackson fékk rautt spjald aðeins fjórum mínútum eftir að hann kom inn á í 3-1 tapi gegn Flamengo sem svipaði til rauða spjaldsins sem hann fékk gegn Newcastle á síðasta tímabili. Jackson getur verið rosalegur klaufi, hvort sem það er fyrir framan markið eða annars staðar inn á vellinum.
Núna eru háværar sögur um að Chelsea ætli að losa sig við Jackson, sem hefur verið hjá félaginu frá 2023. Chelsea hefur bætt við sig Liam Delap og Joao Pedro í sumar og Jackson fellur því aftar í goggunarröðina.
Samkvæmt The Times er Manchester United á meðal félaga sem fylgist með Jackson. AC Milan og Barcelona hafa líka verið nefnd til sögunnar.
Jackson, sem er 24 ára, hefur skorað 30 mörk í 81 leik fyrir Chelsea.
Athugasemdir
