Valgeir tognaði í leiknum gegn Samsunspor.
Ásgeir Helgi ristarbrotnaði í æfingaleik Breiðabliks gegn Lilleström.
Breiðablik verður án Valgeirs Valgeirssonar í leiknum gegn Shamrock Rovers í Sambandsdeildinni á morgun. Valgeir er að glíma við tognun og er tvísýnt hvort að hann nái leiknum gegn Strasbourg í næstu viku.
Þá er Þorleifur Úlfarsson einnig tæpur fyrir leikinn á morgun og Ásgeir Helgi Orrason er ristarbrotinn og verður frá í fjóra mánuði.
Þá er Þorleifur Úlfarsson einnig tæpur fyrir leikinn á morgun og Ásgeir Helgi Orrason er ristarbrotinn og verður frá í fjóra mánuði.
„Það eru aðeins skakkaföll, Valli meiddist í síðasta leik og er frá. Dolli (Þorleifur Úlfarsson) er aðeins tæpur en að öðru leyti er hópurinn góður.“
Verður Valgeir lengi frá?
„Það er ekki alveg vitað, en þetta eru engin stórmeiðsli. Þetta er smávægileg tognun. Það verður keppni við tímann að ná leiknum gegn Strasbourg,“ sagði Ólafur Ingi Skúlason, þjálfari Breiðabliks á blaðamannafundi liðsins fyrr í dag. Breiðablik mætir Strasbourg í Frakklandi á fimmtudaginn í næstu viku.
Býst við Ásgeiri í mars
Miðvörðurinn efnilegi Ásgeir Helgi ristarbrotnaði í æfingaleik Breiðabliks gegn Lilleström í síðasta mánuði. Ólafur Ingi var spurður út í Ásgeir í samtali við Fótbolta.net eftir leik.
„Geiri er búinn að fara í aðgerð og hún gekk mjög vel. Hann er á sinni batavegferð. Ég á von á því að hann verði klár upp úr mars.“
Athugasemdir
