Fótbolti.net

Guðný: Þetta lítur ótrúlega vel út

Sandra María: Góða íslenska veðrið vinnur með okkur

„Skrítið ef ég stæði hérna og segði að við ættum ekki möguleika"

Hildur Antons: Spenntar að fá að vígja grasið

Vicente: Við Alex ræddum þetta fyrir leik

Ingvar Jóns heiðarlegur: Höfum ekkert verið frábærir í sumar

Láki: Þetta mun rúlla bara þessa fríviku

Anton Logi spilaði miðvörð: Forréttindi að spila með Viktori

Víkingar komu Dóra gríðarlega á óvart - „Hentaði ekki vel á móti okkur"

Sölvi svekktur: Veit ekki hvað ég á að segja

Sverrir Páll: Þetta var svona Zlatan mark

Maggi Már: Jú jú, ef Heimir vill meina það

Heimir: Þeir gerðu vel í að hægja á tempói og drepa leikinn

Jökull: Get ekki betur séð en að dómararnir láti það hafa áhrif á sig

Haddi: Ef það er rétt sem þú segir þá því miður var það vitlaus ákvörðun

Ívar Örn: Þeir missa þetta upp í sína eigin vitleysu

Samúel viðurkennir hendina - „Veit ekki hvernig reglan er"

Eggert Aron: Held að fólk á Íslandi átti sig ekki alveg á þessu

Freyr léttur: Veit ekki hvort það var mikið partý á fólkinu í gær eða hvað

Aron Þórður: Fótboltinn vann í dag

sun 11. maí 2025 22:20

Sölvi Haraldsson

Sölvi um mörkin: Þetta var góð pressa

Mynd: Fótbolti.net - Hafliði Breiðfjörð

„Ég er feginn að fá þrjú stigin, það er alltaf gott. Núna erum við búnir að setja saman tvo sigra eftir að hafa ekki unnið þrjá fyrir það. Það er alltaf gott að ná í þessi þrjú stig.“ sagði Sölvi Geir Ottesen, þjálfari Víkinga, eftir 3-1 sigur á FH í kvöld.

Lestu um leikinn: Víkingur R. 3 - 1 FH

„Við erum komnir aftur á toppinn en það er hellingur eftir. Við ætlum að halda áfram að gera betur. Við stjórnuðum þessum leik allt í lagi og vorum meira með boltann en þeir. En mér fannst við geta verið aðeins meira klínískri þegar við komum upp að teig andstæðinganna. Það vantaði oft upp á síðústu sendinguna, það var lítið um færi hjá okkur, það er eitthvað sem við getum bætt okkur í.“

Víkingar fóru í gegnum tvö erfið töp gegn Aftureldingu og ÍBV í upphafi móts í deild og bikar en hafa verið mjög flottir eftir þá leiki, Sölvi sér bætingu á Víkingsliðinu milli leikja.

„Við reynum alltaf að bæta okkur á milli leikja. Við skoðum hvar við þurfum að bæta okkur og það er klárt mál að það voru nokkrir hlutir eftir ÍBV sem við þurftum að fara yfir og sömuleiðis Aftureldingu. Það er ekkert óeðlilegt þegar það eru þjálfaraskipti, mikið um meiðsli og nýir leikmenn að koma inn í þetta, þá er það ekkert óeðlilegt. Við lærum af þessu og höldum áfram að þróa okkar leik.“

Nýi leikmaður Víkinga, Ali Basem Almosawe, er að heilla Sölva fyrstu dagana hans í Fossvoginum.

„Hann er að koma flott inn í þetta hjá okkur. Það tekur tíma að komast inn í kerfið okkar, hann fékk fleiri mínútur í kvöld en hann fékk í seinasta leik. Vonandi heldur þetta áfram að vera jákvæð þróun. Þetta er spennandi leikmaður sem við þurfum að koma meira inn í hlutina.“

Víkingar skora seinustu tvö mörkin sín upp úr góðum pressum.

„Þetta var góð pressa, við vissum að FH vildu spila út með þriðja manninn þannig við breyttum aðeins í fyrri hálfleik að fara aðeins stífara í pressuna á þeim og það skilaði tveimur mörkum.“

Ingvar Jónsson, markvörður Víkinga, var ekki í hóp í dag en styttist eitthvað í hans komu?

„Það ætti að styttast í hann ég held að þetta sé ekki alvarlegt. Síðan veit maður ekki, það gæti lengst eitthvað í þetta en þetta á ekki að vera slæmt.“

Viðtalið við Sölva má finna í spilaranum hér að ofan.