Nær Yann Sommer að loka á frönsku vélina?
Klukkan 19:00 fer fram úrslitaleikur Meistaradeildarinnar, PSG og Inter mætast á Allianz Arena í München. Þeir Guðmundur Benediktsson og Kjartan Henry Finnbogason lýsa leiknum beint frá vellinum. Upphitun Stöð 2 Sport 2 fyrir leikinn hefst klukkan 18:10.
Það er áhugavert að skoða stuðlana fyrir leikinn en veðbankar hafa meiri trú á því að PSG vinni leikinn. Inter er með talsvert meiri reynslu í sínum leikmannahópi, liðið var í úrslitum keppninnar 2023 og tapaði þá naumlega gegn Manchester City. Líklegt er að átta leikmenn sem spiluðu þá með Inter verði líka í byrjunarliðinu í kvöld.
PSG var síðast í úrslitunum 2020 en tapaði þá gegn Bayern München. Presnel Kimpembe og Marquinhos eru einu leikmenn PSG sem eru eftir frá þeim leik.
Það er áhugavert að skoða stuðlana fyrir leikinn en veðbankar hafa meiri trú á því að PSG vinni leikinn. Inter er með talsvert meiri reynslu í sínum leikmannahópi, liðið var í úrslitum keppninnar 2023 og tapaði þá naumlega gegn Manchester City. Líklegt er að átta leikmenn sem spiluðu þá með Inter verði líka í byrjunarliðinu í kvöld.
PSG var síðast í úrslitunum 2020 en tapaði þá gegn Bayern München. Presnel Kimpembe og Marquinhos eru einu leikmenn PSG sem eru eftir frá þeim leik.
Á veðbankanum Betsson er stuðullinn á því að PSG vinni í venjulegum leiktíma 2,15 og stuðulinn 1,62 á því að PSG lyfti bikarnum, en þá bætist við sá möguleiki að liðið vinni í framlengingu eða vítaspyrnukeppni.
Stuðullinn á sigri Inter í venjulegum leiktíma er 3,50 á Betsson og stuðullinn er 2,3 á því að Inter vinni leikinn, sama hvort það verði í venjulegum leiktíma, framlengingu eða vítaspyrnukeppni.
PSG hefur átt mjög gott tímabil, liðið var reyndar mjög hikstandi fyrri hluta mótsins í Meistaradeildinni en hefur verið besta lið keppninnar eftir áramót. Inter hefur sýnt mikla seiglu og vann liðið ótrúlegan sigur gegn Barcelona í undanúrslitunum.
Athugasemdir
