Óli Hrannar Kristjánsson er ekki lengur þjálfari Leiknis. Þetta kemur fram í tilkynningu á Facebook síðu félagsins í dag.
Hann fékk sparkið eftir erfiða byrjun á tímabilinu og síðasti naglinn í kistuna var stórt tap gegn Grindavík á heimavelli í gærkvöldi.
Grindavík komst í 0-6 í leiknum en Leiknir klóraði í bakkann í restina. Þetta var annar leikurinn í röð sem Leiknir tapar og fær á sig sex mörk.
Hann fékk sparkið eftir erfiða byrjun á tímabilinu og síðasti naglinn í kistuna var stórt tap gegn Grindavík á heimavelli í gærkvöldi.
Grindavík komst í 0-6 í leiknum en Leiknir klóraði í bakkann í restina. Þetta var annar leikurinn í röð sem Leiknir tapar og fær á sig sex mörk.
Lestu um leikinn: Leiknir R. 2 - 6 Grindavík
Liðið er á botni Lengjudeildarinnar með eitt stig eftir fimm leiki. Markatala liðsins er 4:18. Óli Hrannar, sem er fyrrum fyrirliði Leiknis, tók við liðinu nokkuð snemma móts á síðasta tímabili eftir að Vigfús Arnar Jósepsson hætti í starfi sínu.
Tilkynning Leiknis
Íþróttafélagið Leiknir hefur tekið þá ákvörðun að slíta samstarfi við Ólaf Hrannar Kristjánsson, þjálfara meistaraflokks.
Þessi ákvörðun er mjög þungbær. Óli er mikill Leiknismaður og honum er þakkað góð störf eftir að hafa tekið við liðinu í erfiðri stöðu á síðasta ári.
Félagið tilkynnir um frekari fréttir af þjálfaramálum þegar þau mál skýrast.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Njarðvík | 5 | 3 | 2 | 0 | 14 - 4 | +10 | 11 |
| 2. ÍR | 5 | 3 | 2 | 0 | 8 - 2 | +6 | 11 |
| 3. Þór | 5 | 3 | 1 | 1 | 15 - 10 | +5 | 10 |
| 4. Þróttur R. | 5 | 3 | 1 | 1 | 10 - 7 | +3 | 10 |
| 5. Keflavík | 5 | 3 | 0 | 2 | 13 - 7 | +6 | 9 |
| 6. HK | 5 | 2 | 2 | 1 | 7 - 5 | +2 | 8 |
| 7. Grindavík | 5 | 2 | 1 | 2 | 17 - 13 | +4 | 7 |
| 8. Völsungur | 5 | 2 | 0 | 3 | 6 - 12 | -6 | 6 |
| 9. Fylkir | 5 | 1 | 2 | 2 | 6 - 8 | -2 | 5 |
| 10. Selfoss | 5 | 1 | 0 | 4 | 3 - 11 | -8 | 3 |
| 11. Fjölnir | 5 | 0 | 2 | 3 | 6 - 12 | -6 | 2 |
| 12. Leiknir R. | 5 | 0 | 1 | 4 | 4 - 18 | -14 | 1 |
Athugasemdir
