Skoraði sitt 100. mark fyrir KA - „Verið erfiðir tveir mánuðir"

„Við vorum mjög góðir í dag fyrir utan í byrjun seinni hálfleiks, í stöðunni 1-0 þá láu þeir smá á okkur en virkilega góð frammistaða í heildina og virkilega ljúft að vera komnir í undanúrslit," sagði Hallgrímur Mar.

Gengi liðsins hefur verið langt undir væntingum í deildinni. Var þetta besta frammistaða liðsins í sumar?

„Í sumar já, við höfum verið að spila þokkalega en að leka inn of mikið af mörkum. Frammistaðan fram á við hefur verið mjög góð þó að úrslitin hafi ekki verið eins og við viljum," sagði Hallgrímur.

Mark Hallgríms var hans hundraðasta í búningi KA. Hann missti af byrjun tímabilsins vegna veikinda en er að komast í sitt gamla form.

„Það var mjög ljúft. Markmiðið mitt var að gera þetta í fyrra en ég er mjög sáttur að vera búinn að þessu núna. Þetta eru búnir að vera erfiðir tveir mánuðir að koma mér í stand, ég er að nálgast það og vonandi verða mörkin bara fleiri," sagði Hallgrímur.

Hallgrímur Mar Steingrímsson skorar mark númer ???? fyrir KA! Þar með gulltryggði hann 3-0 sigur gegn Fram og KA er á leiðinni í undanúrslitin þriðja árið í röð ???? pic.twitter.com/zZWgcXNFWV

— RÚV Íþróttir (@ruvithrottir) June 13, 2024