Championship: Sheffield United lagði Hull af velli

Sheffield United lagði Hull í fyrsta leik fimmtu umferðar í Championship deildinni í kvöld.

Hull var meira með boltann en Sheffield komst yfir eftir stundafjórðung. Gustavo Hamer skoraði þegar liðið komst í skyndisókn eftir hornspyrnu frá Hull.

Staðan var óbreytt þar til um klukkutími var liðinn af leiknum. Þá gerði Chris Wilder þrefalda skiptingu og setti Rhian Brewster, Andre Brooks og Sam McCallum inn á.

Þeir unnu allir saman að því að skoroa annað mark liðsins örfáum mínútum eftir að hafa komið inn á. Brewster hóf sóknina, boltinn barst til Brooks sem sendi á McCallum sem skoraði og tryggði Sheffield stigin þrjú.

Sheffield er með níu stig í þriðja sæti. Liðið er búið að safna ellefu stigum en tvö stig voru dregin af liðinu fyrir mót. Hull er aðeins með þrjú stig.