„Ekki eins og er," sagði Kristinn Steindórsson við Fótbolti.net þegar hann var spurður hvort einhver þróun væru á hans málum.
Kristinn fékk ekki áframhaldandi samning hjá FH eftir síðustu leiktíð og fréttist af honum á æfingu með Víkingum fyrir áramót.
Kristinn fékk ekki áframhaldandi samning hjá FH eftir síðustu leiktíð og fréttist af honum á æfingu með Víkingum fyrir áramót.
„Ég fékk að æfa með Víkingunum í smá tíma og það var ekkert úr því - í bili allavega. Ég hef ekki farið neitt annað eða reynt að heyra í öðrum klúbbi um að fá að æfa. Ég hef æft sjálfur og reynt að halda mér í standi og vonast eftir símtali," sagði Kristinn.
Kristinn var spurður að því hvort hann útilokaði annað en Pepsi Max-deildina á komandi leiktíð.
„Ég myndi ekki segja að ég útiloki aðra möguleika, ég vil auðvitað helst vera í Pepsi-deildinni hérna heima," sagði Kristinn Steindórsson við Fótbolta.net.
Athugasemdir
