"Ég veit ekki hvað má kalla þetta en þetta var ekki góð frammistaða af okkar hálfu og það gekk allt upp hjá Völsurum í dag, þeir voru sterkir en mér fannst við vera gjalfmildir í okkar leik. Þeir gengu bara á lagið og þetta var bara erfitt kvöld fyrir okkur" Sagði Ágúst Gylfason þjálfari Stjörnunnar eftir 6-1 tap á Völsurum í kvöld í 17.umferð Bestu deildar karla.
Lestu um leikinn: Valur 6 - 1 Stjarnan
Stjörnumenn komust í 1-0 eftir rúman 20 mínútna leik en hvað gerist svo?
"Við komum af ákveðnum krafti inn í leikinn en eftir markið þá vorum við alveg inn í leiknum fannst mér en Valsararnir gengu bara á lagið og nýttu sín upphlaup vel og refsuðu okkur herfilega
Þessi frammistaða var ansi mikil sveifla frá 5-2 sigrinum á toppliði Breiðabliks í síðustu umferð og mikið hefur verið talað um í sumar um óstöðugleika Stjörnuliðsins.
"Já þetta var þriðja tapið okkar í sumar og búið að vera mikið af jafnteflum og slatta mikið af sigrum líka, sveiflur jú jú klárlega en það gefur okkur ekkert í dag þetta var í raun og veru bara mjög slakt hjá okkur heilt yfir, byrjuðum vel og fengum alveg ágætis færi í leiknum"
Daníel Finns og Daníel Laxdal voru teknir út af í hálfleik, var Gústi eitthvað sérstaklega pirraður út í þá?
"Nei ekkert pirraður út í þá sérstaklega við vildum bara reyna gera meira sóknarlega og taktískar breytingar sem að virkuðu ekki þannig við tökum það alveg á okkur. Við vildum bara sækja og ætluðum að reyna jafna leikinn en það gekk ekki"
Viðtalið má sjá í heild sinni hér fyrir ofan.
Athugasemdir