„Ég er mjög ánægður með liðið mitt á toppnum. Það er eitthvað sem alla langar til í þessari deild," sagði Rúnar Kristinsson, þjálfari KR, eftir sigur á ÍA á útivelli í Pepsi Max-deildinni í dag.
Lestu um leikinn: ÍA 1 - 3 KR
KR vann aðeins einn leik í fyrstu fjórum umferðunum en þeir eru núna komnir með fjóra sigra í röð og eru á toppi deildarinnar með 17 stig, einu stigi meira en ÍA og Breiðablik.
„Það er stutt á milli þessu og það er leikur strax á miðvikudaginn, erfiður leikur gegn Val. Við þurfum að eiga jafngóðan ef ekki betri leik en í dag á miðvikudaginn."
„Taktíkin sem við settum upp var eins og leikurinn var. Við vildum liggja til baka, leyfa Skagamönnum að hafa boltann og reyna að keyra hratt á þá. Þegar tækifæri gæfust til að halda boltanum innan liðsins og þá leggjast þeir oft djúpt til baka. Það gekk ofboðslega vel í dag og strákarnir voru frábærir í því sem við vorum búnir að leggja upp," sagði Rúnar.
„Á endanum er 3-1 sigur hér gríðarlega stekur. Við sættum okkur við það þó við hefðum viljað hafa örlítið betri færanýtingu."
Viðtalið er hér að ofan.
Athugasemdir
