Gueye tók afstöðu gegn samkynhneigð
Gueye hefur spilað 110 leiki á þremur árum hjá PSG.
Mynd: Getty Images
Gueye hefur spilað 110 leiki á þremur árum hjá PSG.
Mynd: Getty Images
Idrissa Gana Gueye, miðjumaður PSG, neitaði að taka þátt í átaki frönsku deildarinnar um helgina þar sem leikmenn klæddust regnbogalitum á alþjóðlegum baráttudegi gegn fordómum í garð LGBTQ+ fólks.
PSG heimsótti Montpellier í næstsíðustu umferð franska deildartímabilsins og skóp þægilegan sigur. Gueye var hvergi sjáanlegur - ekki frekar en á sama tíma í fyrra þegar hann neitaði einnig að taka þátt í þessu verkefni.
Gueye er 32 ára landsliðsmaður Senegal sem lék fyrir Aston Villa og Everton á Englandi áður en hann skipti til Parísar.
Fótboltaunnendur í Frakklandi eru margir hverjir ósáttir með þessa afstöðu Gueye, sem hefur spilað 25 deildarleiki með PSG á leiktíðinni.
Þessi frétt hefur vakið athygli sérstaklega í ljósi framburðar Englendinga á nafninu hans Gueye, sem er oft borið fram sem 'Gay'.
