Breytingar á hugmyndafræðinni ástæðan fyrir hruni West Ham

Antonio segir að West Ham hafi breytt um hugmyndafræði sem sé ekki að ganga upp.

„Mér finnst eins og við höfum hugsað með okkur síðustu tvö ár 'Förum ekki framúr okkur sjálfum og náum bara í okkar 40 stig.' Í upphafi tímabilsins í ár vorum við alveg 'Við vorum svo nálægt Meistaradeildinni í fyrra, við viljum Meistaradeildina," sagði Antonio.

„VIð stukkum yfir nokkur skref, breyttum hugmyndafræðinni okkar. Þú sérð að við erum ekki að spila eins í ár og áður. Við höfum breytt smá."

Hann segir að liðið sé komið framar á völlinn og andstæðingarnir séu farnir að ná skyndisóknum eins og West Ham gerði gegn andstæðingunum áður.

Liðið er í 18. sæti en hefur náð Evrópusæti síðustu tvö ár og fór alla leið í undanúrslit í Evrópudeildinni á síðustu leiktíð þar sem liðið tapaði gegn verðandi meisturum í Frankfurt.