Íslandsmeistarar Vals hafa fengið sænska vinstri bakvörðinn Johannes Vall í sínar raðir.
„Það er frábært fyrir Val að fá þennan öfluga leikmann í félagið, bjóðum Johannes Vall velkominn á Hlíðarenda," segir í tilkynningu frá Val.
Vall hefur leikið um 80 leiki í Allsvenskan efstu deild Svíþjóðar og í kringum 90 leiki í næstefstu deildinni Superettan. Alls hefur hann spilað vel yfir 200 leiki í Svíþjóð á undanförnum árum og á að baki landsleiki með yngri landsliðum Svíþjóðar.
Hinn 28 ára gamli Vall lék með Ljungskile í sænsku B-deildinni á síðustu leiktíð. Einnig hefur hann leikið fyrir Falkenbergs, Norrköping og Östers á ferlinum.
Honum er ætlað að fylla skarðið sem Valgeir Lunddal Friðriksson skildi eftir sig þegar hann var seldur til Häcken í Svíþjóð.
Komnir
Arnór Smárason frá Lilleström
Johannes Vall frá Ljungskile
Kristófer Jónsson frá Haukum
Tryggvi Hrafn Haraldsson frá Lilleström
Farnir
Aron Bjarnason til Ujpest (Var á láni)
Eiður Aron Sigurbjörnsson í ÍBV
Einar Karl Ingvarsson í Stjörnuna
Kasper Högh til Randers (Var á láni)
Lasse Petry til HB Köge
Valgeir Lunddal Friðriksson í Hacken
Athugasemdir
